Manuel Pérez Lorenzo - Lito

 

 

Naceu hai 27 anos e toda a súa vida transcorreu en Sada. Estudou no CEIP Sada e Contornos e no IES Isaac Díaz Pardo, para logo licenciarse en Historia na Universidade de Santiago de Compostela e realizar o Mestrado en formación do profesorado.
A nivel laboral, exerce como profesor particular (traballador autónomo). Compaxina a súa actividade profesional coa investigación en materia de historia local, con especial atención á historia contemporánea de Sada. Participou en volumes colectivos como Vixiados. Represión, investigación e vixilancia na Galiza da Guerra Civil (1936-1939), Ondas de irmandade. Centenario do asociacionismo mariñeiro en Sada ou Ramón Suárez Picallo. A voz esquecida do galeguismo, e, máis recentemente, coordinou a publicación de A idea na palabra. Textos e documentos recuperados de Manuel Lugrís Freire. 
Forma parte, desde a súa creación, da Asociación Cultural Irmáns Suárez Picallo e colabora habitualmente en medios locais como a revista Areal e o xornal Mariñán.
Hai 4 anos concorreu ás eleccións na lista do BNG de Sada e actualmente é concelleiro no Grupo Municipal do BNG, organización na que milita desde 2011.