Conduta política

 

Ningunha persoa, concelleira o militante de Sada tivo reproches pola súa conducta desde o punto de vista da ética política nunca nin por ninguna circunstancia.

O BNG estivo na Oposición e no goberno de Sada e tivemos a Alcaldía. Evidentemente puidemos cometer erros de xestión, pero nunca foi cuestionada a ética política de ningún representante do BNG, porque nunca estiveron  relacionados con asuntos de corrupción nin corruptelas, nin con asuntos turbios ou cacicadas, nin tampouco fomentamos, amparamos ou consentimos pelotazos urbanísticos nin contratacións a dedo, nin chancullos desde o goberno nin desde a oposición, e así o seguiremos facendo.